يبدو أنهآ ستمطْر!! : (حكآيآ من بيتْ منيره),

بسم الله الرحمن ألرحيم

ألسلآم عليكم ورحمة الله وبركآته ,


التعريف بالشخصيات


الأم : منيره مديرة بمدرسه ابتدآئيه عمرها 47 سنه
طيبه وعلى نيآتهآ وهي بطلة الروايه ,


الابن الاكبر : خالد عمره 34 سنه موظف في المباحث متزوج وحرمته اسمها علياء وعايشين ب حايل مع الاخذ في النظر انه معقد ونفسيه


بنتها الكبيره : فاطمه اصغر من خالد بسنه متزوجه ووعندها ذريه لايعدون ولايحصون كل ماولدت حملت وهكذا تمضي الايام والسنين معها ,


بنتهآ الثانيه : نوال متزوجه وعندهآ 3 عيال و 3 بنات اكبرهم صالح بالثانوي , زوجها متخلف ويدعى قشعم


نوف : عمرهآ 31 مهلوسه بالزواج وتخاف من العنوسه تحب ترقص وشخصيتهآ ضعيفه جداً جداً


ريم : عمرها 23 سنه مخلصه الجامعه وقاعده بالبيت نحيفه وطويله بالمره اطول وحده في عايلتها حتى اطول من اخوانها وشعرها طويل بالمره ومسبب لها ازمه


مريم : عمرها 22 سنه ماكملت الجامعه شخصيتها قويه ودايم بالمطبخ هي وريم
ودايم تناقر مع أمهآ


نجلاء : 21 سنه قصيره وشكلها كأنهآ ام 14 سنه تعشق شيء اسمه نوم وملسونه بالمره


محمد : هذآ اخوهم راعي فله تارك خواته على راحتهم ويخاف من اخوه خالد عمره 24 سنه وبالمناسبه هو شخص عاطل ومايجي البيت الا نادرا ً


حصه و نوره : 19 سنه سمينات بالمره وخبلات لاخر درجه فيهم كمية دفاشه موب طبيعيه من كثر مايرسبون للحين ماخلصوا المتوسط


فتون : هذي اختهم عمرها 18 سنه دجه و زلابه ومايينتأمن عليهآ ؛ دايم حصه ونوره مكفخاتها وحالتها حاله وماتترك العلم ببطنها خخخخ



هذولآ هُم عيال منيَـره


نجي لبنت زوج منيره ،
غريبه : 28 سنه ربي منعم عليها بفلوس وعندهآ شركة ازيآء وشركة ديكور / مهايطيه تحب الحفلات و العزايم والسفريات , عندها بنتين ماتدري عن هوى دارهم لميس ولين : 7 سنوات , رجالها متوفي او مفقود مايدرون هو وين ولا وش سالفته بإختصار " مختفي "


فوزيه (29)سنه : هذي صديقة غريبه شخصية مهآيطيه لـ أبعد درجه تحب المظاهر ثريه جدا جداً عيونهآ صغآر وطويله جداً وعريضة وضخمه ، صوتهآ عالي لكن يشبه فحيح الحيه , موب متزوجه


ميرنآ : لبنآنيه 27 سنه صديقة غريبه وفوزيه اسلمت قبل 5 سنين حشريه بالمره ولازم تدري عن كل شآردة ووارده ؛ بخيله جداَ مطلقه وعندهآ ولد صغير داشر اسمه مايكل صديق لميس ولين




///


ياسر : اخو غريبه من امها وصديق محمد و تؤأم روحه يحب الكشخه ويقلد الغرب في كل شيء ملابس وقصات وكل شي


عبدالرحمن : من قوم ابو سروال وفنيله خخخخخ شعره طويل معصقل ثوبه اصفر ويلبس طاقيه وسنونه طايره


سعد : شخص وسيم اسمر يشتغل شرطي لكن عيبه يتتن



:


نجي لـ جارهم الصعيدي


مدحت فتح الباب : شخص مقرف جداً عمره 44 سنه يشتغل بشفط البيارات وانتم بكرامه
ولده فتحي : عمره 6 سنين دب بشكل مرعب لكن سريع مثل بيب بيب , قليل ادب لسانه طويل ورآعي جرآيم


سعود : هذآ ولد غريبه من عمره سنه وهو معهم لين تعود عليهم وصاروا اهله يكره امه واهله وكل شخص سعودي ؛ قليل ادب ولسانه وصخ خخخخ عمره 6 سنوات



سوآقهم : هندي واسمه ايمان <- اسمه كذآ , له دور بالقصه



يتبعع لحد يرد.^^

في احدى الصباحات البارده من تشرين الثاني
الساعه 7:16
الجو حلو مغيم وفيه مطر !!

وكالعاده الام منيره جالسه على كرسيها الهزاز بوسط الصآله لآبسه نظآرآتهآ اللي أكل عليها الزمن وشرب
تقرآ جريده مع كوب حليب ساخن

نجلاء : يووووه يمه مآتوا اللي يشترون جرآيد , الحين كل صحيفه ولهآ موقعهآ بالنت

منيره تنزل نظارتها على الطاوله بجنب كوب الحليب : مآ احس بطعم الجريده الا لاشريتهآ ورق , امآ بالنت مآ تجوز لي أبد
وبعدين يالله نادي خواتس بنطلع نفطر بالحوش

نجلا تطير عيونها : يووه برد يممه

مريم فاتحه الشباك تستنشق الهواء : بالعكس الجو خيآل والمطر خفيف ويشرح الصدر على هـ الصبح بس الله يستر لاتطب علينا ميرنا ياختي هالانسانه حشريه بشكل مقرف

نجلا : احححححح بس على طاري ميرنا أنا موب قاهرني غير ان فوزيه و ميرنا ربي منعم عليهم بفلوس وثروه لابارك الله فيهن وشوله يرقدن عندنا لهن 5 شهور
ابد ولا طرى على بالهم يستحون ويظفون عشفهم موب حاله ترى

الأم منيره وهي مقصره صوتهآ: ي نجلاء صديقآت اختس وش نسوي
نجلاااء : البلا اختنا يايمه قسم تقديستس ذآ يجيب الهم

الام بنبره حآده : نجلآ هذي اختس طيعهآ واحترميهآ

نجلاء تناظر بامها وتسكت

لميس ولين نازلات من على الدرج ولابسات بناطيل سكيني وبدي وعليه جاكيت فروو

منيره : لمييييس ليييييين على وين ان شاء الله

لين بنبرة طفش وهي تناظر بوجه اختهآ : افففففففف اشتغلت عجوز النآر من يفكنا منها عاد !
مريم تنافخ : لين ياقليلة الادب وش هالكلآم والآ مآ الومتس مالقيتي من يربيتس !! الام لاهيه والابو الله اعلم وين هو فيه حي ميت

لميس ولين طنشوا وطلعوا مع مايكل يفطرون بمطعم

الجرس يدق بشكل مزعج

ريم طالعه من المطبخ وشعرها منكوش : يالله صبآح خير هذا اكيد ياسر يبي محمد .. اففففف

محمد طالع من غرفته ويغني : يابابا سناني واوا وديني عند الطيبي ماعاد بدي شوكلاته بس بدي اشرب حليب

منيره تقاطعه : محمد خويك الداشر عن الباب

محمد :ي ميمتي ي حبيبتي كم مره قلت لتس لا تقولين داشر
وبعدين ايه انا قايله يمرني نبي نطلع للبر الجو مايتفوت


نوف بغرفتهآ ترقص / مريم تفتح عليهآ البآب , نوف منسجمه في الرقص , مريم لا اله الا الله الحين اول ماقمتي من النوم قعدتي ترقصين وش هالهبال !!
نوف استحت وانحاشت تركض
نجلا انفقعت ضحك

/

ميرنآ وفوزيه ينامون مع غريبه في الجنآح حقهآ


منيره وبناتها الاربع مريم وريم ونجلاء ونوف طلعوا الحوش يفطرون ويسولفون

ريم راحت تسقي مشتل الجوري اللي بحديقة بيتهم الصغيره ورى الحوش

نوف :ي سبحان الله وش كثر حلوين عادي أقطف وحده
ريم وهي ترش المويه : خلاص وحده بس


ميرنا نزلت مع الدرج وكانت لابسه بجامتها وعليها شرشف دافي لونه زهر
مالقتهم ب ألبيت سألت الشغاله قالت يفطرون برا في الحوش

ميرنآ جتهم معصبه : ولك ليش ما التوا لي انكن بدكن تفطروا هون !

نجلاء تنزل خبزتها : هيييه انتي يام وجه مغسول بمرق , اطلعي من حياتي ولاتنسين تاخذين فوزيه معتس , موب لازم نعلمتس وين بنفطر وين بنروح !

مريم تنآظر ف ميرنا ب استحقآر وتكمل اكلهآ
ميرنا وهي تحك أيدينها ببعض من البرد : ولك بدي خبز وحليب ي صبايا
نجلاء : لا راعية طويله شكلتس

ميرنآ : اسكتي انتي ولك من شآف وشك [ وجهك ] على هالصبح الله يعينو بس


حصه ونوره قاموا من النوم
نوره فاتحه شباك غرفتها : حصيص شوفي أمي والبنات يفطرون هينا

حصه تطل عليهم من الشباك وصوتها عالي : نوووووووووووووووووووف نوووووووووووووووووف هاتي البشاره يا السبهه

نوف بربكه نزلت كوب الشاهي : هآه وش فيه

حصه : جاتس معرس من طرف الخطابه ام فهد تو شفتها مرسله ع الايميل

منيره وهي تضحك : الله ي الدنيا الخطابات صاروا يستعملون الايميل
نوف وجههآ أحمر بصوت متقطع: أحلفي

نوره بخبث : ههههههههههههههههههههههههههه لا تصدقين عمرتس لاجاتس عريس ولاهم يحزنون مآزلتي عآنساً ي فتآه اقصد يامره بما انتس تجاوزتي سن الثلاثين ههههههههه


ميرنا تضحك بصوت عالي : نوف لاتحلمي بالعريس وولك انتي بمطرح والجمال بمطرح تاني
نوف تطلع لغرفتها / وهي تبكي
///

بعد ساعتين

فوزيه و غريبه قآموا من النوم
فوزيه جلست تتكشخ وتتسمكر

غريبه بكل روقان غسلت وجههآ وقامت تحط منآكير

فوزيه وهي تزين القلوس على شفآيفهآ : غرووووب
غريبه : عيوني
فوزيه : مالي خلق اشوف وجه منيره
غريبه تضحك : حرام عليتس صح منور نشبه شوي بس تراها عسل
فوزيه : آلله يعين بس مالي خلق لها ولـ بنآتهآ

المهم
نزلوا من على الدرج ودقت غريبه ع السواق بـ تروح لبيت اخوانهآ تفطر عندهم

منيره : غروب ياروحي انا افطري عندنا اليوم تكفين
غريبه وهي تضبط شكلها: لا انا قايله لـ شروق و سعد اني ب افطر معهم اليوم , وبعدين انتم موب افطرتوا !!

فوزيه تدخل لا سلام ولا كلام
ريم تكلم مريم : هذي وراها رافعه خشمهآ كذا تقل ابراهيموفيتش على غفله , ي كرهي بس
مريم بصوت عالي : هيه انتي ياذات العيون الصغار داخله على كنيسه والا على مسلمين

فوزيه تتنهد وتطلع الجوآل
نجلا : ههههههههههههه ياربي ياحبيبي وجه مغسول بمرق لا في بيتنا وتطنش بعد

فوزيه تكلم السواق : الووو , ايمآن ايه ابيك تجيب السراير اللي قلت لك عليها ,
خلاص ماتجي الساعه 10 الا والسراير والعمال جايين

ريم مفجوعه وخآيفه : هييييييييييييه ليه سراير

فوزيه تضغط ع البيبي : بس طفشت باغير سريري وسرير ميرنا بعد !

مريم : لا لا السالفه مصخت !!

نجلا تضرب يدها ع الطاوله : هيه غريبه شوفي خوياتس ترى قسم لا ارتكب فيهن جريمه
؛ ثم قامت تضحك : اااه ترى يدي ما أوجعتني

غريبه وهي تناظر بالمرآيه : ايه وش فيها عادي , التغير زين إنتي وش حارق رزتس ي نجلاء

نجلاء تظنز : وش حارق رزي! لا أبد خليهم يآخذون راحتم بس واذا يبون يبنون لهم غرفه ب البيت عادي ترى ,
وإلا ليش يبنون! غرفتي فداهم بس أهم شيء تجوز لهم

///

في البر
ياسر : فوزيه نشبت لي ف حياتي يا اخي كل يوم والثاني متصله بسبب و بدون

محمد : الحرمه هذي كارهها الله يقلعها
عبد الرحمن ينادي : تعالو بسرعه
ياسر : وش رايك نروح نشوي مع العيال
محمد: يالله امش


/:/
بعد المغرب
نوف ماسكه ورده وتنتفهآ , اتزوج ما اتزوج اتزوج ماتزوج

حصه : هههههههههههههههههههههه نوف شات بدايه يحتريتس
نوره : إيه صح اليوم م أرسلتي ادعوا لي اتزوج

ميرنا وفوزيه يحشون بنوف ويتمسخرون ,
غريبه تناظر بمنيره : منور انا مشتهيه ورق عنب
منيره : ماطلبتي شيء ي الغاليه, مريم ريم قومن سون ورق عنب لاختسن
مريم : هي ورى ماتسوي لنفسها والا مالها يدين
منيره : تعطي مريم ذيك النظره
ثم قامت تصايح وتناقز ياااالله قوووووووومن اختسن تبي ورق عنب يالله قووومن بسرعه يالله , والله ان ماقمتن اني بازعل عليتسن ليوم الدين وأقسمت بربي أنا

غريبه بضحكه : أومآ ليوم الدين , ترى الدعوه ورق عنب ^

ريم ماسكه أعصابها : اللهم طولك ياروح

مريم معصبه , امي حالتهآ مستعصيه ماتطلب غريبه طلب والا امي يجيها ذاك البلا آستغفر الله بس

ميرنآ: امك يافالحه شكلوا معهآ جنون البقر

مريم :تناظر ميرنآ بنص عين : تعرفين تسكتين انتي والا طول الوقت قرقرقرقرقر , اف يآ هالمخلوقه مآتشبع كلآم

نجلاء : هههههههههههه ياحوبي لتس يامريم

ورآحوا ريم ومريم للمطبخ وبدوآ بلف ألورق

في الصاله

غريبه : فوزيه أنا ب أقوم اجهز نفسي عشان ب نروح لحفلة ريماس والهدايا وصيت إيمان يجيبها من المحل اللي قلنا له عليه

فوزيه تلوي وجههآ : يآكرهي لهالمخلوقه مسويه نفسها شيء مهم بالحياه قطع

منيره بكل برآءه : و ورق ألعنب
غريبه : مآعليتس إذا جينا بنتعشاه لأن هناك برستيجنا مايسمح لنا نكثر أكل

نجلاء تتمسخر : تكفين ي البرستيج


بعد ربع ساعه الجرس يدق

حصه ونوره مراكض يم الباب
حصه : نوير دقيقه عباتي نشبت في الباب وإلا خلاص طلعتها

نوره: وتنهيده قويه :هلا سعد
سعد يبتسم : غريبه فيه !
نوره تناظر في سعد : إيه ي الـ للللللـ غالي فيه
سعد يبقق عيونه منصدم من كلمة نوره

نوره قامت تصرف الموضوع : أروح أناديها أجل

حصه تميلح : ورى ماتدخل ! هينآ برد عليك
سعد : لا عادي انتظرهآ بالحوش
حصه : إممم كيف شروق
سعد : حمد الله زينه ،
حصه : وراها من زمان مادخلت ع البيبي
سعد : مدري عنها

نوره رافعه صوتهآ وتركض :غريبووووووه ي العاهه

أمهم منيره تهآوش : نوووير و وجع احترمي أختس

نجلاا تناظر أمها ب أسا : لاحول ولا قوة إلا بالله

نوره وهي طآلعه ع الدرج : سعد عند الباب يبي أخته

منيررره : روحي شوفيها بغرفتها بس طقي الباب قبل لا تدخلين


بعد كذا راحت غريبه لـ أخوها

.

حصه جالسه بغرفتها وفاتحه الشباك تشوفهم ب الحووش
احححيه ي سعد
نوره : هـ الادمي خقه ل ابعد حد
حصه وهي متكيه ع الشباك : إلا صدق نوير تتوقعين سعد يحبني او يعني خاق معي !

نوره ب ثقه: أحسه يحبني أنا مدري ليش وعاد إنتي تعرفين أحاسيسي ما تكذب
حصه : أقول أنقلعي بسس

دخلت عليهم مريم وهي تضحك: من المقرود اللي تحسينه يحبتس
نوره ب كل جرأه : سعودي
مريم : وآتسبدي تسبدآه تدلعينه بعد ، اقول امشن تحت امي تبي تتفاهم معكم عشان فاتورة التليفون حسبي الله عليكم 1000 ريال ! هذا وانتم طول الوقت ع البيبي والمسن والواتس آب الشيء لو ماعندكم ذا كله




الساعه 9 و40 دقيقه في حفلة ريماس

ريماس لابسه فستآن احمر ضيق ولآمه شعرهآ كله
تنآدي بكل ثقه : يآ حريم ب أقوم أرقص زين
واتحدى إذا فيه أزين من رقصي
وحده من الحريم تهآيط : في حضرتس ياريمآس كلنآ نعتزل الرقص

فوزيه تذب فيها وتحلطم عند غريبه
غريبه اندبلت كبدهآ من فوزيه :هيه خلاص قومي ورينا شطارتس اذآ تتوقعين رقصتس أحلى من ريمآس !
انآ عن نفسي رآفع الرايه البيضآْء

فوزيه تقوم وتنآظر ريمآس بكل شر : هيه إنتي ,
وتنكسي يافوزيه

ريماس وكلها حقد : تقوم تبرط شالهآ اللي كآن ع رقبتهآ وهز هز موب صاحي

ميرنا تزبد بينهم
الحريم انوآع الضحك
غريبه جالسه تتعرف ع وحده جديده طبعاً مجاملآت وهيآط


في بيت منيرررهـ


نجلاء تصيح يمه ببيتنا خنـ خنـ خنـ خنـ


منيره وهي تنآظر بنجلآء وتضحك : اسم الله ع قلبتس وشو خن خن كنتس سياره رايحتن فيها

نجلا ميته خوف : يممممه فيه بالمطبخ خننننننـ خنزير وع وع

أمهم منيره : هاااه وش تقولين و تناظر إلا قدامها بالمطبخ خنزير

رجولها مأعاد تشيلها , وجهآ صآر اصفر
: ك ككككك كيف جاااا

مريم وعيونها كلها دموع وصوتهآ يآ دوب يطلع : الله لإيوفقهم هالصعايده فتحي و سعود دخلوه ب ألمطبخ

ريم : قآمت ترجع , ثم انحآشت لـ غرفتهآ وهي تبكي
الأم منيره مفجوعه. وماتحركت من مكانها : لا إله إلا الله
خنزير في بيتنا !؟

حصه ونوره فاطسات ضحك
حصه : نوره خلينا نحط بالبيبي خنزير تآيم
نوره عآجبهآ الوضع : هههههههه جبتيها يا أختس بس خلينا نصوره اول شيء

فتون : جايبه فليت بتفلت على الخنزير
مريم تنافخ على فتون : مهبوله انتي !! رجعي الفليت

نجلاء تتصل على محمد


محمد عند ياسر
يوووه : وكالة سي ان ان تتصل
ياسر يضحك : نجلآء

محمد : هآه وش عندتس من اخبآر , القذآفي ماسير عليكم بس وإلا صح الرجال مات
نجلاا تصيح : وع ي محمد وع عندنا خنزيررر
محمد : ههههه مرض
نجلا : في بيتنا
محمد : إيه وش اللي بالبيت
نجلاء : خنزيررر

محمد : ههههههههههههههههه قويه
نجلا تبكي :يشهد الله اني ما اكذب بسرعه تعال دبرنآ تكفى

محمد قآم وتغيرت ملآمحه: وش لون خنزير ب البيت ! تبين تجننيني إنتي !
نجلآء وهي فاحطه ومبين من صوتها ألجد : فتحي و سعود دخلوه علينآ ، بسرعه تعآل

ياسر ميت ضحك وعيونه كلهآ دموع : ههههههههههههههههه ههههههههههههههههه لا تقول ههههههههههههههههه خنزير ب ببيتكم هذي وين أصرفها بسس ههههههههههههههههه


محمد طنش ياسر وركب سيارته ومشى

في البيت الاوضآع متوتره والخنزير إلى الآن بالمطبخ

سعود وضحكه شريره : الله الله ي فتحي إيه الخطه العبقريه دي

فتحي بنبرة فخر : دنا فتحي بن مدحت بن فتح الباب ماتعرفنيش يا واد !

سعود رافع صوته ومسوي يهايط : بأعرفك وأعرف اللي قابك يا راقل


جاء محمد دخل البيت وهو معصب وشاف الطامه
خنزير ببيتهم !!!!!!!!!!!!!

محمد والنار تطلع من عيونه قام يلحق سعود و فتحي ب العقال

فتحي يضحك باستفزآز : يالله بينا نهرب ي سعوود الحُمآر محمد من خلفنآ ولا يوجد بحر من أمامنا !

وطلعوا مع الباب وخنزيرهم بالبيت !!

محمد منقهر : تفووو عليه بيب بيب الدب وخويه النتفه ذا
منيره معصبه : اتصل على مدحت بسرعه
محمد وآصله معه : مدحت
مدحت : اهلن ي بأشا , ازآيك عآمل ايه ؟
محمد : اقووول لا بأشا ولا بطيخ تعال صرف الخنزير اللي جابه ولدك لا . . .
مدحت يقاطع محمد : هٌمآ قأبوا الخنزير في بيتكم
دا أمانه من واحد صاحبي كان حيسافر وساب خنزيروه عندي عشان ماحدش يشوفه !

محمد : أقول تعال فكنا منه بس وحسابي معكم بعدين

مدحت خآيف : خلاص ياباشا , يبئى افتحوا لي البآب أنا عنده دا الوئتي
وجاء مدحت وطلع الخنزير

في ألمطبخ //
ريم متقرفه : يممممه غيروا ألمطبخ بالكامل كل شيء بنجدده حتى الملاعق والفناجيل
قسم ما أطبه بعد مادخله الخنزير إلا لين نغيره

منيره وهي منزله عيونهآ : معتس حق بس الفلوس على قد الحال والراتب باقي له اسبوعين

مريم : إسمحيلي يمممه ترى ب أقول لـ غريبه تغير ألمطبخ كله
ماشاء الله تلعب ب ألفلوس لعب وبعدين ليه اختنا يعني لإزم تساعدنا وأكيد أنها بتدفع

منيره : مدري عنكم كان تتحجون حجوا




في الدور الثاني وتحديدا غرفة نوف المليئه ب احلام العرس والزفاف


نوف : الوووو
الخطابه : إنتي نوف
نوف بصوت منخفض : هآه ، إيه أنا

الخطابه : لقيت لك عريس يمني عمره 55 عاطل ومتزوج قبلك ثنتين

نوف بنبرة فرح : طيب عادي خليه يجي بس
الخطابه : متأكده ي نوف
نوف : آححح لا وأصلا صعبه اتزوج يمني او اي جنسيه ثانيه اهلي مايرضون غير ب سعودي وبدرجه اقل خليجي
لكن مادري أفكاري متشوشه !

نجلاء دخلت على نوف وصكت الباب بقوه

نوف : إيه خلاص أكلمتس بعدين
نجلاء : أرحمي نفستس ي نوف كل شوي داقه على خطابه !
ترى الحياه مآوقفت على زواج وعمر السعاده مآ انحصرت عل كوشه و فساتان أبيض ليش تحصرين نفستس واهتماماتس في هالزاويه عيشي الحياه ي نوف واستمتعي باللي انعمه ربي عليتس

ريم تدخل : الله الله درر ي نجلاء درر طلعتي سقراط وحنا ماندري

نجلاء تضحك : ههههههه الا طلعت ليلى موب سقراط بعدين
حرام عليتس ترى سقراط يزرف مني بالعاده يعني نادرا ما يجيب شيء من عنده

ريم : ههههههههههههههههه أما عاد هذي قويه

بعد 10 دقايق تقريباً
وهم بالصاله الجرس يدق بقوه بشكل متواصل
حصصصصه تركض أنآ ب افتح البآب
فتحته وتفآجائت : خآ خآلد
خالد : خير ان شآء الله , وراك تفتحين الباب
حصه تكذب : شغالتنآ عليهآ حمى و محمد موب بالبيت
عليآ تمد يدهآ على حصه
حصه تطنش وتدخل بالبيت

امهم منيره : من اللي جآء يا حصيص
حصه تقلب عيونهآ : شوفي

امهم تشهق بفرحه : هلآ بوليدي حبيبي هلآ ب علآيه
خآلد : هلا هلآ يمه , اخبارك ي الغاليه , بس ترى انآ عتبآن عليك وعلى السربوت محمد , كيف مخلين حصه تفتح الباب وهي حرمه ماشاء الله عليكم بس
عليآ تسلم عليهم وتقعد ,
امهم منيره : حصيص و نوير من عرفتهن وهن معلقآت عبيآتهن والنقآب على المدخل وكل ماسمعن الجرس لبسن عبياتهن وطلعن
ثم قامت تصرف الموضوع : الا صدق ورى ما قلتوا لنآ انكم بتجون عشآن نتجهز لكم صح

حصه تقآطع امهآ : مسوين فيهآ سبرايز بس طلع سبرايزن مخيس
نوره : ههههههههههههههههههه وانتي الصادقه
نجلاء : هههههههههههههههههههههههههههههههه قويه ياحصه

ريم تقرص نجلاء : استحي شوي اذا حصه ونوره مهبل انتي فيتس شوية عقل !! هذا إذا ما طار للحين !

مريم باتسآمه: عليآ وش رايتس تطلعين معنآ فوق !
عليآ تنزل فنجالهآ : اوكي

طلعوا لغرفة مريم بعد مآتقهوت عليآ
ريم : هآه ااخبارتس علومتس ؟
عليا : ابد تمآم / الا صدق وين غريبه ! ماشفتها
مريم : أجل هي تقعد , كالعاده طالعه
عليا بضحكه : ياحليلها
ريم : علياء تتذكرين فوزيه و ميرنآ !!
عليآ : ايه مره شفتهم عندكم صديقآت غريبه مو !

ريم : أححح بس الا هم تخيلي يا خيٌه مشالله الخوات مايطلعون من بيتنا ! مع ان الله مغنيهم هم وغريبه عندهم شركات هنا و في الامارات ومدري ويين بس لهن اكثر من 5 اشهر قاعدات عندنا بالبيت اكل شرب نوم كل شيء

عليآ : وش ذا الوقآحه ! طيب قولوا لغريبه تصرفهم يمكن يستحون
مريم بضحكه: ياعمري عليتس بس , غريبه مستآنسه عليهن
وشوفي كيف عاد كل يوم لهن شكل ولبس وقصه !! وطايحآتن عندنا ، وأمي تحترم غريبه آحترام ياليتها ما أحترمتها

عليا : ايه انا ملاحظه اهتمام خالتي بغريبه بس احسه عن طيبه يعني عشان المرحومه أم غريبه موصيتها عليها
ريم : امي طيبتهآ حآدر لهآ وادي إذا تسمين هالشيء طيبه

مريم : ولايفوتس غريبه وصديقاتها ’’ هوس ورق عنب ’
وشوفي كيف الاستغلال عاد وامي تقوم الدنيا لو ماسوينا لـ السيده غريبه

عليآ : انتم قولوا لهآ هي ورى ما تسوي لنفسهآ
مريم : قلنآ لهآ كذآ بس قامت تقول : هذي آختكم آحترموها وسووا اللي تطلبه وتحتاجه ولا تعارضون ،
آنا طفشت طفشت طفشت ياعليا !!
غير آنهم جالسين فبيتنا ليل ونهار وعشاء وفجر وحاشرين آخوي محمد وأعطيهم بالوجه إني ما آخذ راحتي آنا وريم ومحمد وخوآتي كلهم الا آنهم يكركرون ويطلبون ورق عنب على آي حال ..

عليآ : هذي وقآحه وقلة ادب , ياعمري عليكم بس كيف متحملينهم

ريم : اقولتس تخيلي فوزيه من كثر قلة الحيا اللي فيها .. جابت عمّال يغيرون سريرها اللي فبيتنا لأنه موب مريحها !!!!!!!!!!!!!
ومحمد شافها وعصب وطرطعت معه وهاوش وراح لأمي شكالها ، وغريبه هاوشته وأمي قامت مع غريبه تهاوش آخوي !!!!!!!!!!!! وش ذا !!

عليآ : ياربي ياربي فيه نآس زي كذآ مو معقول شكلي باكلم خآلد وهو يتصرف معهم

مريم : استني مآ جاتس شيء ميرنآ مآتقل ابداً عن فوزيه بقلة الادب والحشريه والميانه اللي طاقتها مع آخوي ! .. والسواق إذا آحتجناه لقيناه معهم .
باقي يشلحونا من بيتنا بعد !!!!!
وغريبه قبل كم يوم سوت حركه عصبنا منها آنا وخواتي يعني لدرجه ماتتصورين كيف ..
جالسه بالصاله بكل أريحيه مع السلايق اللي معها ، وتشاورهم بـ صالتنا ، تقول : وشرايكم آغير الأثاث ؟ عطوني رايكم بالألوان اللي ب اختارها !!!!! وهم يعطونهآ ارائم مآلت ثم مالت المشكله حنا كنا فيه ولا شاورتنا وولا حتى ناظرت فينا

عليآ ماسكه راسهآ : صدمتوني بغريبه والآ هم استغفر الله ماعليهم شرهه

ريم : ماناخذ راحتنا ، ونطبخ لهم .. وحاشرينا !! ونعطيهم بالوجه [ غثيتونا .. آطلعوا برى ] لكن .. يتضاحكون ولا همهم ولا عليهم ! !

عليآء : أستغفر الله من جد يآ صبركم عليهم انا لو مكآنكم طرتدهم من أول ليله
مريم : آهـ بس تعبت تعبت تعبت , مير كله كوم وتقديس امي لـ غريبه كووم ثآني

فتون دخلت عليهم : أمي تقول تعآلوا تعشوآ بسرعه ,
رآحوا ألكل تحت وتعشوا بنعيم وسلام بدون فوزيه وميرنآ

في بيت يآسر




أمات الحب عشاقا وحبك انت أحياني
ولو خيرت في وطنٍ لـ قلت هواك أوطاني


إيمان قاعد يردد هالبيت عشرين ألف مره


محمد طفشان : ي أخي فقع رأسي ذا الايمان وشهوله تناديه عندنا ي ياسر


ياسر : ههههههههههههههههه خله يونسنا
إيمان : أمات الحب عشاقا وحبك انت أحياني
ولو خيرت في وطنٍ ل قلت هواك أوطاني
محمد : خلاص أسكت قسم حاله


إيمان : أمات الحب عشاقا وحبك انت أحياني
ولو خيرت في وطنٍ ل قلت هواك أوطاني
محمد معصب : على ترآب


يآسر وهو يضحك : الله الله صاير رومانسي الأخ
إيمان يرفع خشمه : أصلا أنا طول عمر في رومانسي بس إنتا مافيه أعرف بسبب مشاغل الحياه


ياسر : ههههههههههههههههه أهم شيء مشاغل الحياه
محمد : ي صبر الأرض عليه بس
ياسر : ي أخي سواقكم ذا فله يشتغل عندكم من 2004 أو أكثر وراتبه 100
من يصدق بس يعني مآ أرتفع مع غلآ الآسعآر


محمد : تصدق ي ياسر يوم قلنا بنسفرك خلاص قال لالا أصلا عادي لو إشتغل بدون فلوس بس أهم شيء اقعد عندكم !


ياسر : هههههههههههه لا لا موب صاحي


محمد : وراه سالفه وشي الله العالم
ياسر وهو يناظر ب إيمان : وراك وراك لين أشوف وش عندك ي الرومانسي هههههههه


عبد الرحمن دخل عليهم و هو ميت ضحك : لا إله إلا الله خنزير في بيت محمد ! خنزير ههههههههههههههههه ؟
محمد : إيه أضحك عسى ربي يبلاك بجيران مثل جيراننا قل أمين
ياسر يناظر ب محمد : أحد جاب طاري الخنزير. ههههههههههههههههه

الساعه 12 ب إليل
ريم منسدحه ع سريرها الكلآسيكي متلحفه بمفرشهآ الآبيض ألنعآم وشعرها طاير على وجهها وعيونها متنفخه تبي النوم
نوف حآطه يدهآ على خدهآ و تتابع بدايه , تحديداً ألشآت !!
نجلاء جآلسه ع التسريحه وتمشط شعرها / مريم جالسه مع علياء يسولفون
دخلت عليهم حصه وجت وراها نوره
حصصه : يآ فآلحآت سمعتن آخر الاخبار !!

نوره بتمسخر :ي زين وجه نوف بسسس
نجلاء تنزل المشط : ههههههههههه أما وجه نوف !
ريم : وش عندتس ي حصيص

حصصه : إمممم أقول وإلا صدق فيه ناس غريبين علينا
يطلعون أووول ثم اتكلم
عليا قامت مريم مسكت يدها : اقعدي ماعندهم سالفه
عليا : لا أخليكم أحسن
نجلاء : يا فرقا لا يكون زعلت بس
مريم : نجلاء تسمعين بالحماه إنتي !

حصه مقصره صوتها : ميرنا تححب محمد
ريم تمد لسانها ثم قالت : ميرنا مريضه وأنتن كذوبات

نوف تزلت الريموت من يدها وعيونها تملاها الدموع : ب أمووووت من قهري لو تزوج محمد وأنا للحين حاطه يدي على خدي وانتظر النصيب

نجلاء : ههههههههههههههههه شوفن كيف تفكر نوف بس
ريم : ههههههههههههههههه كلن على همه سرى ي نوف
مريم : ههههههههه الله يشفيتس ي نوف

نجلاء جاده : ايه لازم نحمي أخونا من السوسه ميرنا تراها تخوف بلد يمممه منهآ يمممه
ريم : لا تصدقين حصصصه و نوره أكثر هرجهم صواريخ
مريم : لا ي ريم أنا بعد أحس ميرنا تهتم لـ أخبار محمد

ريم تنافخ : خلااااص ب أنآم أسكتن ,
ثم حذفت ألمخده على نوف: اطلعي وصكي الباب بسررعه

مريم والبنات نزلوا بالصاله شافوا فوزيه تشرب بيره
وغريبه وميرنا يشربون معها

مريم : هذي آخرتها بيره !!!! لا حول ولا قوه الا بالله
غريبه تتأفف : ياليييل وش تبي ذي ؛ بدون كحول ترى
مريم : بيره ب بيتنا ماااافيه
ميرنا : شكلك مشتهيه بدك أئسم لك !

عليا دخلت و قاطعتهم : السلام عليكم
غريبه متفاجئه : اسم الله هذي من وين طلعت
نجلاء : هههههههههه طلعت من المريخ
عليا مرتفع ظغطها : آخبارتس غريبه
غريبه : هلااا والله وعليكم السلام حمد الله تمام , آخبارتس انتي ي قلبي !!
علياء : حمد الله بخير
ميرنا : كيفك أنا ميرنا وهي فوزية
فوزيه ب برود : هلا حبيبتي
علياء : هلا فيكم
مريم رافعه صوتها : إلا غريبه تدرين بناتس وين ؟؟
غريبه تصفح مجلة : ليش ماجوا للحين !!

مريم : ونعم الأم من جد لا ماجوا للحين من الساعه 8 الصبح طالعات

غريبه : ايييه ب أدق على لين ان شاء الله وأشوف وينهم فيه
ميرنا : هما طلعوا مع مايكل
فوزيه : ياحوبي لـ مايكل صايرن مملوح بزوود
ميرنا : ولك دخيل ابني أنا بيجنن متل أمُه
غريبه : ههههههههه ياخقتي عليه وعلى امه

مريم إيه متى ناوين تطلعون ! من بيتنا يعني ! مآتحسون أنكم طولتوآ !!

نجلاء: أوووهوو شكلهن مطولات بعد ماغيرن السراير غسلت ايديني ب فلاش

فوزيه : ي حبيباتي إنتم خلوكم ع عقدكم بسسس

منيرره دخلت عليهم : غروب آخبارتس ؟
غريبه تسولف ومندمجه مع ميرنا , ومنشغلات ب الأزياء اللي في المجله
مريم بعصبيه : غريبه أمي تسألتس
غريبه : هآه نعم منور , وش بغيتي ي قلبي
ميرنا : بسرعه منيره عنا سالفه كتيرر مهمه
منيره : لا بس أقول آخبارتس !
غريبه : هههههههه بس / حمد الله زينه
فوزيه : هههههههههه مايمديني ع براه منيره أنا
ميرنآ : ي ألله شو تآفهه !
عليا تناظر فيهم ومستغربه من أسلوبهم مع منيره
مريم : ترى هم كذا دايمن وقحات

محمد يطق الباب
نجلا ومريم راحوا له
نجلااء : محمد جايبة لك خبر إنما آييه
محمد : تفضلي ي وكاله سي ان ان , بس إهم شيء مافيه خنزير ب الخبر لأنه لو فيه بتجيني إنفلونزا خنازير
نجلاء : ههههههههه لا الخبر ذا خالي من الخنازير
محمد : خير ان شاء الله وش هالخبر ؟
نجلاء : تخيل خالد جاااء
محمد بشهقه : لا تقولين لاحول و لا قوة إلا بالله
الله يعينني على نفسياته وألمحاضرات اللي بسمعها منه
نجلاء : أصبر ي أخوي مالك غير ذا الحل الصبر والصبر فقط
محمد : شكلي ب انحاش عند ياسر
نجلاء : هههههه عشان من يفكك من خالد بيقول انت تاركهم وشكلك ماتجي البيت إلا في الاسبوع مره ومن هالأسطوآنآت المكرره
محمد : الله يصبرني بس المهم خلونا من موضوع خالد أمي ب الصاله ب ادخل لها ترى أبيها ب موضع قوي

نجلاء متحمسه : موضوع وشو
محمد: وأنتي وش دخلتس وإلا لإزم تأخدين خبر علئ أي شيء
مريم : دقيقه لا تدخل , عالات المجتمع ميرنا و فوزيه فيه ب الصاله
محمد : ي ليلهم موب جوهم أبد

مريم : تكفى حمود عطهن كم كلمه تخيلهم يحسون بحقاررتهم تكفى ي أخوي

محمد يغمز لمريم ثم نادى بصوت عااالي : يمممه عندتس أحد وإلا ادخل
منيره : صديقات أختك فيه
محمد يعلي صوته أكثررر : استغفر الله الحين مآعندهن بيوت تلمهن ! وإلا جايات من الشارع ! ماصارت الموضوع تعدى خطوط المعقول ترى أجل في بيتي ولا أخذ راحتي ي دنيا الشقا

ميرنا : الله يسامحك ي محمد
فوزيه حآطه رجل ع رجل وتقلب وجهها : أفف غروب ورآه أخوك كذا نفسيه
غريبه : مآعليتس ي روحي إنتي سلكي و بس

نجلاء : فوزيه من أي مجره إنتي يآ مرره أوقح من كذا ماشفت

فوزيه تظنش نجلا وتنادي الشغاله : مالا مويه بارده بسرعه
مريم تضحك بقهر : نجول شيء مو معقول


الساعه 1 ب الليل الكل نايم لميس ولين توهم يجون مع مايكل راحوا و ناموا على طول

وبعد 4 أجزآء

حبيت اشوف انطبآعآتكم عن ألروآيه !
وبغيت أسألكم شوية أسئله

1- أحدآث ألروآيه كيفهآ وأي جزء حبيتوا أكثر !!

2- أكثر شخصيه حبيتوهآ !!

3- شخصيه كرهتوهآ !!


لاتصدقووون تراها خرافيه ...وانشالله أعجبتكككم

شكراً ..
جميلهه قوهه
تسلمينن